ബാർകോഴ കേസിന്റെ പേരിൽ ഒട്ടേറെ സഹിച്ചിട്ടുണ്ടെന്ന് കെ എം മാണി

ബാർകോഴ കേസിന്റെ പേരിൽ ഒട്ടേറെ സഹിച്ചിട്ടുണ്ടെന്ന് കെ എം മാണി

ബാര്‍കോഴ കേസിന്റെ പേരില്‍ ഒട്ടേറെ സഹിക്കുകയും ത്യാഗങ്ങള്‍ അനുഭവിക്കുകയും ചെയ്തിട്ടുണ്ടെന്ന് കേരള കോണ്‍ഗ്രസ് (എം) ചെയര്‍മാന്‍ കെ.എം.മാണി. മാണിക്കെതിരെ കേസ് നടത്തിയാല്‍ പൂട്ടിയ ബാറുകള്‍ തുറക്കാമെന്ന് സിപിഎം ഉറപ്പുനല്‍കിയതായുള്ള ബിജു രമേശിന്റെ വെളിപ്പെടുത്തലിനോട് പ്രതികരിക്കുകയായിരുന്നു അദേഹം. ഇനി കൂടുതല്‍ പ്രതികരിക്കാനില്ലെന്നും മാണി പറഞ്ഞു.

അതേസമയം ബിജു രമേശിന്റേത് വൈകി വന്ന കുറ്റസമ്മതമെന്ന് കേരളാ കോണ്‍ഗ്രസ് എം ജനറല്‍ സെക്രട്ടറി എന്‍.ജയരാജ് എം.എല്‍.എ പറഞ്ഞു. ബാര്‍കോഴ കേസ് മുന്‍കൂട്ടി തയാറാക്കിയ തിരക്കഥയുടെ അടിസ്ഥാനത്തിലുള്ളതാണെന്ന് പല തവണ ആവര്‍ത്തിച്ചതാണ്. തിരക്കഥ എഴുതിയവരും സംവിധാനം ചെയ്തവരും ആരാണെങ്കിലും കാലം കഴിയുമ്പോള്‍ എല്ലാം തെളിഞ്ഞുവരുമെന്ന കാര്യത്തില്‍ സംശയമില്ലെന്നും ജയരാജ് പറഞ്ഞു.