കാശ്മീര്‍ സ്‌ഫോടനത്തില്‍ മലയാളി മേജറും സൈനികനും മരണപ്പെട്ടു

കാശ്മീര്‍ സ്‌ഫോടനത്തില്‍ മലയാളി മേജറും സൈനികനും മരണപ്പെട്ടു

ന്യൂഡല്‍ഹി: ജമ്മു കശ്മീരില്‍ സ്‌ഫോടക വസ്തുക്കള്‍ പൊട്ടിത്തെറിച്ച് മലയാളി മേജറും ഒരു സൈനികനും വീരമൃത്യു വരിച്ചു. നൗഷേറയില്‍ നിയന്ത്രണരേഖയ്ക്ക് സമീപമാണ് സംഭവം. മേജര്‍ ശശിധരന്‍ വി.നായരാണ്(33) സ്‌ഫോടനത്തില്‍ കൊല്ലപ്പെട്ടത്.2/11 ഗൂര്‍ഖാ റൈഫിള്‍സില്‍ മേജറായി സേവനമനുഷ്ഠിക്കുകയായിരുന്നു മേജര്‍ ശശിധരന്‍ വി.നായര്‍.

വെള്ളിയാഴ്ച നിയന്ത്രണരേഖയ്ക്കടുത്ത് ഭീകരര്‍ സ്ഥാപിച്ച സ്‌ഫോടക വസ്തു പൊട്ടിത്തെറിച്ചാണ് ഇരുവരും കൊല്ലപ്പെട്ടത്. ശശിധരന്‍ നായര്‍ 11 വര്‍ഷമായി സൈന്യത്തിലുണ്ട്. നിയന്ത്രണരേഖയ്ക്കു സമീപമുളള പാതയിലായിരുന്നു സ്‌ഫോടനമെന്ന് സൈനിക വൃത്തങ്ങള്‍ സ്ഥിരീകരിച്ചു.